نايس كريم القرع مع صوص الرمان
اليوم هو يوم الهالويين الي يحتفلون فيه في الغرب. انا الصراحة ما يهمني هذا اليوم و نادر ما البس زي تنكري فيه، بس اليوم قررت اني اتنكر بشكل النشويات، بما ان الاغلب يخاف منها و يعتقد انها تسبب السمنة
انا كنت من هذولا الناس الي عندها اعتقاد ان الكاربوهيدرات (النشويات) تسبب السمنة و لازم نقلل منها و نزيد من البروتين عشان نبني عضل و نقلل الدهون. بس اكتشف بعد ما ضيعت فلوسي على مكملات البروتين الغير طبيعية و ضارة و غالية على ولا شي. الحين الحمدلله اكلي اغلبة نشويات و فواكة و بالعكس، الدهون قلت عندي و العضلات زادت مع اني فقط امارس اليوغا. على العموم راح اتكلم عن هذا الموضوع بعدين بتعمق اكثر
الحين خلني اركز و اعلمكم عن هذا الايس كريم او بالاصح نايس كريم. الي يحب لاتيه البمكن بيعجبة. لذيذ و سهل و سريع اذا كنا مجهزين القرع المهروس من قبل. و انا هذا الي اسويه في موسم القرع. نشتري من قرع القصيم كمية كبيرة بعدين نطبخة بالبخار مدة ٤٠ دقيقة تقريبا، بعدين احفظة في الثلاجة اسبوع تقريباََ و اكون استعملة في وصفات مختلفة خلال الاسبوع
الصوص الي مع النايس كريم جداََ لذيذ و فيه حموضة تعطية نكهة مميزة لا تنسى
نايس كريم بمكن و صوص الرمان
المكونات
النايس كريم
- ٣ موزات مجمدات
- ١/٢ كاس قرع مهروس*
- ٣-٥ حبات تمر
- ملعقة كبيرة او ملعقتين بودرة كاكاو خام/ني
صوص الرمان
- ١ م ك بودرة كاكاو
- ١ م ك دبس تمر او شراب القيقب
- ١ م ص دبس رمان
- ماء للتخفيف
الطريقة
- في وعاء نخلط مكونات الصوص
- نضيف له الماء ببطىء حتى نتوصل للكثافة المطلوبة
- في خلاط الفيتامكس او اي خلاط قوي (اذا ما عندك نقدر نستخدم خلاط البصل) و نضيف جميع مكونات النايس كريم
- نضيف النايس كريم الى وعاء التقديم و نسكب فوقة الكاكاو
- باستخدام عود طويل و نحيف او سكين نخلط الصوص مع النايس كريم
