نايس كريم الكليجا
ادري انه سشتاء و برد، بس يعني تتوقعون ممكن اكمل كم من شهر بدون ما اكل نايس كريم؟ نو واي
اذا انتم مب عايشين في الشرق الاوسط، راح تتوقعون انه ايه عادي، اصلاََ مو برد عندهم. بس الصراحة انه برد، خاصة الصباح. صحيح انه ولا شي مقارنه في برد شمال امريكا او روسيا مثلاََ بس انه لسه برد. السبب الاول هو لان في الغالب بيوتنا ما يكون فيها تدفئة عالية زي في البلدان الي تمر خلال برد شديد و السبب الثاني هو بكل بساطة لاننا ما تعودنا على البرد
اذا ما تعرفون ايش هي الكليجا، فهي بكل بساطة زي البسكوت منفوخة و مجوفة من جوا و محشيه بطبقة خفيفة من دبس التمر، سكر، و ليمون اسود و البسكوت نفسة مصنوع من دقيق بر. اول كنت مجنونة كليجا بس الحين الحمدلله شبعت منها و بعد ما عرفت انه اغلبهم يستعملون دهن حيواني فيها صرت ما اشتهيها. بس لسه احب النكهة و خاصة طعم الليمون الاسود. فعشان كذا هذا النايس كريم الحين المفضل عندي
كليجة بيت من يد عمتي! ما تقعد ماشاءالله. خاصة اذا كانت توه طالعة من الفرن
ايس كريم كليجة ههههههههه مطاريسي ايام الجامعة
نايس كريم الكليجا
المكونات
- ٣ موزات مجمدات. نجمد الموز اذا استوى يعني اذا صار اصفر و منقط
- ١ م ص دبس رمان
- ١/٢ م ص ليمون اسود مطحون
- قرفة حسب الرغبة
- رشة زنجبيل مطحون
- رشة هيل مطحون
- رشة فلفل حلو او يسمى فلفل افرنجي و هو ال Allspice
- رشة من جوز الطيب مطحون
- ١-٣ حبات تمر اختياري
الطريقة
- في خلاط قوي جداََ مثل الفايتامكس او في خلاط البصل نخلط جميع المكونات مع بعض حتى تتحول الى ايس كريم
- اذا ما توفر عندنا خلاط قوي نستعمل خلاط البصل و نضيف ملعقتين كبيرتين من الماء فقط
*انصح بعدم استعمال خلاط الطماطم العادي لانه لا يتحمل و ممكن يخرب
*لتفاصيل طريقة النايس كريم اضغط هنا او تابع الفيديو في الاسفل