بان كيك صحي و نباتي
بعض الايام، مافي احسن من اننا نروق بالبيت و نسوي بان كيك و ندلع نفسنا. خاصة اذا كرفنا طول الاسبوع
انا من الناس الي جدا يقدرون وقتهم الخاص و يهمني مرة اني اقعد لحالي بين كل فترة و فترة. صح احب اكون في الطبيعة و اطلع اشم هواء "طبيعي" بس مرات الواحد بس يحتاج يقعد بالبيت و يروق على فطور حلو و كتاب مشوق
هذي الوصفة من وصفاتي المفضلة ليوم السبت لما يكون عندي وقت زائد او يكون عندي ضيوف على الفطور و ابغى ادلعهم ههههه
بان كيك صحي و نباتي
المكونات
- ١ كاس دقيق بر
- ١ م ص قرفة
- ١ كاس حليب رز او اي حليب نباتي
- ١/٢ م ك خل تفاح
- ١ م ص باكينق بودر
- ١ موزة مستوية
الطريقة
- نجهز وعائين كبار للخلط
- في الوعاء الاول نخلط الدقيق و القرفة
- في الوعاء الثاني نهرس الموزة
- ثم نضيف باقي المكونات: الحليب النباتي، الخل، و البيكنق بودر
- في ببطيء نخلط المكونات الناشفة مع الرطبة
- نحمي قلاية غير قابلة للصق على نار هاديئة/متوسطة
- ثم نضيف ١/٣ كاس من الخليط على القلاية و نخليها تطبع دقيقة او دقيقتين
- لما نشوف فقاقيع على البان كيك، نقلبها و نخليها تطبخ على الجهة الثانية لمدة دقيقة او دقيقتين
- نحمي الفرن على ٢٠٠ف او ٩٠ درجة مؤية عشان نحفظ فيه البان كيك عشان ما يبرد الى ما تخلص
- لتقديم، نضيف كريمة الكاكاو مع البان كيك
