كريمة الشوكلاتة النباتية - خالي من الزيت و السكر
هذي الوصفة سهلة و ممتعة! ممكن نغير فيها على حسب الاستخدام. انا اغلب الاحيان احب استعمل كريمة الكاكاو هذي مع البانكيك فأخليها خشنة زي البينت بتر. بس مرات ابيها تكون زي السيرب عشان اضيفها على الكيك او الشوفان. ففي هذي الحالات بكل بساطة ازيد كمية الماء
و ممكن كمان نحط الشوكلاتة في علبة قزاز مع شريطة و كذا نخلي شكلها مرتب و نهديها للوالدة او اي شخص يعز عليها
كريمة الشوكلاتة النباتية - خالي من الزيت و السكر
المكونات
- ١ كاس كاجو منقع مدة ٢٠ دقيقة
- ٥ تمرات*
- ١/٤ كوب كاكاو - يفضل استخدام الكاكاو الني
- ١/٤ كاس ماء او اكثر
*استخدمت تمر خلاص ثلاجة بما انه لين.. اذا التمر جاف، بكل بساطة نخليه ينقع بماء حار. ممكن نستخدم تمر اكثر اذا نبغاه يكون حلو بزيادة
الطريقة
- في خلاط البصل نخلط الكاجو، ثم نضيف باقي المكونات و الماء ببطيء. مثل ماهو في الفيديو الي في الاسفل
- اذا بنستخدم خلاط عالي السرعة مثل الفيتامكس فمن الممكن خلط جميع المكونات في نفس الوقت
