صلصة طماطم مشوي // صلصلة بالاناناس
اول مرة سويت هذي الوصفة كنت بالجامعة. من يوم ما بديت اطبخ و انا سبحان الله ما احب اتبع وصفة بالضبط. لازم اسويها من راسي و احوس! هو شي حلو لكن للاسف افشل مرات كثيرة و ينكب الاكل او اكل شي مو مرة لذيذ
بس مرات تضبط الوصفة و تصير شي خيالي. و بنفس الوقت شغلت مخي
نرجع لايام الجامعة. فسويت هذي الوصفة لصديقاتي و الكل حبها! و بما انه وقتها ما كان عندي مدونة و لا حتى كان يخطر في بالي انه ممكن يوم من الايام اكون صاحبة مدونة، ما سجلت الوصفة عندي
بس الحمدلله حست بالمطبخ و بحثت على الانترنت و ضبطت معاي الوصفة و اذا ما تخيبني الذاكرة، فطلعت الذ من قبل
و جربت اضيف لها اناناس بما انه صيف و حر حر حر
الصلصة كما هي لذيذة جدا جدا!! و لما بس نضيف لها الاناناس تتغير تماماََ! لا تخلون الفكرة تخوفكم. جربوا تضيفون اناناس لنص الوصفة و جربوا
صلصلة الطماطم المشوي
المكونات
٥ حبات طماطم متوسط
حبة بصل احمر متوسطة
ملعقة شاي بابريكا حلو
نصف ملعقة شاي كمون
ملح بحري و فلفل حسب الرغبة
فلفل حار حسب الرغبة
١/٢ ليمون اخضر
١/٢ كاس كزبرة مقطعة
ملعقة شاي سكر جوز الهند
الطريقة
١. نحمي الفرن على ٤٠٠ف او٢٠٠ س
٢. في صينية فرن كبيرة، نصف شرائح الطماطم و البصل
٣. نضيف البهارات
٤. نطبخه فالفرن مدة ١٠-١٥ دقيقة
٥. نخلط جميع الكونات في الخلاط حتى نصل الى الخلطة المرغوبة
٦. نضيف الاناناس اذا رغب
٧. يقدم مع شبس صحي
