مهلبية القرع بالتوت البري و البرتقال
ادري. بعضكم بقول الله يكرم النعمة وش ذال مطاريس. بس لا تحكمون على النكهات الى ما تجربون الوصفة
جتني فكرة هذي الوصفة و انا اسوي كيكة القرع. كنت قاعدة اخلط المكونات الرطبة مع بعض، و لما ذقتة عشان اشيك الطعم و الحلاوة، مرررة عجبني بس كان ناقصة كذا نكهة زيادة. الزبدة انه كان لازم اكمل اسوي الكيك لان الفرن احتمى و وراي دوام
على طول من بكرا سويت هذي الوصفة و ما اقدر اوصفلكم قد ايش هي لذيذة. ان شاء الله هذا الشهر بتشوفون مني وصفات كثيرة بالقرع مب بس عشانه موسم الخريف بس بعد عشان انا من محافظة مشهورة بالقرع، فيعني لازم
مهلبية القرع بالتوت البري و البرتقال
المكونات
- كاس قرع مهروس*
- ٧ حبات تمر
- ١/٢ كاس حليب لوز
- ١/٤ م ص فانيلا طبيعية
- رشة قرفة
- ١/٤ م ص قشر برتقال مبشور
- قليل من الزنجبيل اقل من ١/٨ م ص
- ١/٤ كاس توت بري مجفف
الطريقة
- في خلاط نخلط جميع المكونات
- نتركه في الثلاجة كم دقيقة حتى يبرد
- يقدم مع الفواكة المجففة و المكسرات مثل البيكان
*عشان نطبخ القرع، نقطعة بالنص و نشيل الحب و نطبخة بالبخار او نسلقة ٣٠ دقيقة